▫️◽️◻️⛪️◻️◽️▫️
一睇張相就知呢度係 #愉景灣 的 #海濱白教堂~
呢排我地多左去離島玩,
搭一程船就有去渡假既感覺,
其實都幾抵玩!
去愉景灣除左搭船, 也可以搭巴士入去
🛥中環3號碼頭往返, 半小時一班, 船程約25分鐘
🚌DB01R (由愉景廣場巴士總站往返東涌站巴士總站)
🚌DB03P (往返愉景北商場及欣澳港鐵站)
🚌DB03R (往返愉景廣場巴士總站及欣澳港鐵站)
我地搭船入去, 先到 #愉景廣場
再搭區內巴士去 #愉景北商場
岩岩好去到就吃個午餐先
我地都係求其選, 有位就OK,
同埋呢度都係西餐為主, 分別都唔算大XD
墨西哥菜都OK, 有kids menu添!
小朋友們見到有薯條有milkshake就好開心~🤣
之後就去 #心形鎖 打打卡~
(點解而家咁多地方都有心形鎖既XD)
再行去 #愉景灣酒店 旁邊既 #海濱白教堂⛪️
獨特的三角形幾何設計, 配上純白+大玻璃,
好似去左外國咁😍😍
可以睇住無敵大海景, 好relax!
如果大家有時間, 可以去埋附近 #室內遊樂場 - #EPICLAND,
有成14,000平方呎, 勁多野玩,
就連大人都玩得好開心!
我地今次就無去EPICLAND玩~
所以行完愉景北, 就步行回碼頭果邊
途中會經過 #中央公園 ⛲️
又係大大片草地, 有人工湖, 有噴水池
周圍都無乜人,
就算見到都係外國人、小朋友、狗狗,
好寧靜好舒服!🌿
#大白灣沙灘 暫時仲未開放架!
所以去唔到 #沙灘遊樂場
但小朋友們都忍唔住落去沙灘赤腳行一陣摸下沙~~
到傍晚我地就回程了~~
想享受寧靜、慢活,
一定會喜歡上愉景灣的~~
黎緊復活節, 佢地都有相關活動,
🎪愉景灣復活節Fun Pack🎪
有興趣可以自行了解:
香港愉景灣 Visit Discovery Bay
https://www.visitdiscoverybay.com/tc/whats-hot-event/?id=36
#本地遊 #親子遊 #香港好去處 #玩盡離島 #週末好去處
-------∽-★-∽------∽-★-∽--------
親子遊樂好去處 總目錄: http://bit.ly/2My3bhP
👨👩👧👦Follow Mrskan on 👉🏻
Instagram: https://www.instagram.com/mrskan_net
MeWe: https://mewe.com/join/mrskanblog
Search